رواية بنت امينه الفصل السادس عشر 16 والاخير بقلم شيماء عبد الحكم
بنت امينه
البارت الاخير
بقلم / شيماء عبدالحكم عثمان
♤°♤°♤°♤°♤°♤°♤°♤
ما حسيتش باللي قاعد جنبها غير وهو بيقول لها لو سمحتي يا انسه ممكن تربطي الحزام عشان الطياره هتقلع فتحت عيونها تستوعب صوت مين ده بس عيونها اتفتحوا على اخرهم من المفاجاه ♡♡
شيرين بصدمه : حااااااااززززم 💓.وبدءت تقطع فى الكلام . أ .أ. أنت بتعمل ايه هنا ..
حازم ببرود : زي ما انتى شايفه ،هسافر معاكي
شيرين لسه مصدومه ومش مستوعبه : هتسافر معايا،،، هتسافر معايا ليه .
حازم : عشان حضرتك مررراتي . هنقضي شهر العسل .بس الاول هعمل لك حته فرح يجنن هتفتكريه طول حياتك وهتحكي لي ولادنا واحفادنا...
شيرين برضو لسه مش فاهمه : انا مش فاهمه حاجه فرح ايه وازاي هعمل فرح واهلي مش معايا
حازم : هي دي مشكلتك يعني ان اهلك مش معاكي طب بصي كده حواليكى ...
وبداوا كلهم يطلعوا من ورا كراسيهم سليمان وزوجته حسام وسها امين وامينه حتى نادين وعريسها فاتن وخطيبها والد ووالده حسام .....( طب ما تيجي اقول لكم ايه اللي حصل ❤❤❤)..
(فلاش باااااك )
شيرين بعد ما قابلت حازم وقالت له انها اتنازلت عن القضيه واقنعته ان سليمان هيمسك قضيته فعلا حازم وافق ان سليمان يمسك قضيته لانه عارف ان سليمان محامي شاطر جدا وهيقدر يثبت براءه حازم من كل التهم المنسوبه اليه وفعلا عدى حوالي شهرين لحد قبل فرح نادين باسبوع واحد وكان سليمان قدر يثبت ان حازم ما لوش اي علاقه بشغل قاسم ودخل من ثغره لو حازم عنده ادنى علم مكنش بنفسه قدم الملف اللى يدين اخوه ويبلغ عنه بنفسه واشياء من هذا القبيل سليمان وحازم في النيابه وبيخلصوا اجراءات الافراج مع بعض ...
حازم قاعد مع سليمان وحازم بيبص بغموض سليمان لاحظ نظراته وبعدين حازم قال له :على فكره انا متشكر.
سليمان بغضب قال له : ما عملتش ده عشان خاطر عيونك انت عشان هي اللي طلبت مني كده وبصراحه لو بأيدى كنت حبستك العمر كله ...
حازم ضحك بس ضحكه بصفو وتسامح وقال له: تعرف اني مش طايقك !!!بس بصراحه اللي انت عملته معاها ووقفتك جنبها واصرارك انك ترجع حقها كبرك في نظري قوي ...
سليمان نظرله بشك :لعبه جديده دي ولا ايه خد بالك اوعى تفكر تلعب معايا تاني انا بحذرك واديك بنفسك جربت...
حازم ضحك جدا ورفع ايده باستسلام وقال انا ما اجرئش العب مع سليمان عمران تاني ....
سليمان عايز ايه يا ابن الحديدي خلص وهات من الاخر...
حازم بعد ما اخلص ضحك قال بجديه: انا عايزه اصلح غلطتي مع شيرين مش عايز حد يبص لها بصه مش كويسه عايزها تبقى رافعه راسها ومش مكسوفه من اي حاجه وكمان انا مش ندل شيرين دي حب عمرى ❤
سليمان : لو قصدك يعني على موضوع العقد العرفي اطمن انا مظبطها .
حازم : طب خلينا نتكلم بجد لما يبقى في ايديها ورقه طلاق رسميه ولا لما يبقى في ايديها ورقه عرفي تفتكر الناس ممكن تبص لها ازاي بعد كده انا عايزه اعمل ده بس عشان خاطرها ..
سليمان : انا مش فاهم انت عايز توصل لايه بالظبط ..
حازم : اكتب كتابي على شيرين عشان وضعها يبقى صحيح واسبوع واحد وهطلقها يبقى معاها قسيمه طلاق عشان لو حابه تكمل حياتها بعد كده ما يبقاش فيها مشكله واعتقد يعني قسيمه طلاق افضل بكتير من عقد جواز عرفي ...
سليمان : هو انت معاك حق بس !!! طب اصبر لما اخذ رايها هي واهلها ..
حازم بتصميم : ما فيش وقت شيرين هتسافر الاسبوع الجاي لو سافرت انا مش ضامن ظروفي
سليمان : خلاص ياسيدى . نخلص اجراءات الافراج وهروح لهم بنفسي وهقولهم وهبلغك انا وصلت لايه ..
حازم حرك راسه برفض وبتصميم قال هنروح لهم انا هروح معاك رجلي على رجلك...
سليمان بقله صبر خبط كف بكف وقال له انا مش ناقص جنانك..
في العربيه قدام فيلا امين الساعه عدت 12:00 بالليل حازم مع سليمان اللي بيلعن وقوفه مع حازم ومجاراته ليه ..
سليمان بغضب : انا مش فاهم انا ايه اللي بعمله ده ازاي اطوعاك أجي دلوقت هخبط على الناس دلوقتي اقول لهم ايه ..
حازم بلا مبالاه يعني انت كل مشكلتك هتخبط عليهم دلوقتي ازاي !! يا عم عادي انا هاخبط ما تشيلش هم انا مش هتكسف ..
سليمان بسخريه : اه ما انت متعود تدخل على الناس في انصاص الليالي بس دول غير المجرمين اللي حضرتك بتروح تقبض عليهم..(سليمان هيتجلط من حازم 😂) ..
( سليمان خلى الأمن يفتح البوابه ودخلوا مع بعض بعربيته رن جرس الفيلا فتحت له عامله بتشتغل في البيت)
سليمان باحراج: بلغي امين بيه والست امينه وشيرين اني موجود ومعايا ضيف ومنتظرينهم والامر ضروري جدا ..
( حازم بيضحك على منظر سليمان)
سليمان بعصبيه : لو ما بطلتش ضحك هقوم امشي وابقى قابلني لو عرفت تقنعهم لوحدك...
حازم : خلاص خلاص انت ظبطت حسام ولا لسه
سليمان بقله صبر : مش لما نتنيل نقنع دول الاول نبقى نظبط حسام...
نزل امين ومعاه امينه واتفاجئوا بحازم بس المفاجاه الاكبر كانت من نصيب شيرين اللي اول ما شافته قدامها ما كانتش قادره تحدد احساسها ،،،نظراته ليها كانت مليانه، مليانه حب واسف وندم وبيتمنى لو يقدر يقرب عليها ويحضنها ..
شيرين : حاااززم !! انت بتعمل ايه هنا دلوقتي ؟؟؟
حازم بهدوء : ممكن من فضلكم تقعدوا وتسمعوني( امينه نظرت له غضب ) قرب عليها ونظراته فيها ترجي من فضلك اديني فرصه اصلح اللي اقدر عليه ...
امينه بتهكم : هتصلحه ازاي بعد كل اللي حصل بيتهيألي ان لحد هنا وخلاص كل واحد فيكم راح لحاله...
حازم : عشان كده بالظبط انا عايزه اصلح غلطه ،،، شيرين ممكن تدفع ثمنها العمر كله ...(ونظر لسيلمان يساعده فى الكلام )
سليمان : احم احم اسمعوا يا جماعه من فضلكم ...حازم جاي يعرض عليكم يتجوز شيرين شرعي وبعد كده يطلقها عشان تقدر تثبت صحه وضعها لان هي كده لا مطلقه ولا متجوزه . وده طبعا لمصلحتها عشان لو فكرت تكمل حياتها بعد كده يبقى معاها اللي يثبت انها ست مطلقه (كلهم بصوا لبعض متفاجئين وخايفين تكون دي لعبه جديده من حازم)
امينه برفض قاطع : لا يعني لا كفايه اللي حصل لبنتي لحد كده
حازم : يا ست امينه من فضلك اطمني ده وضع مؤقت وبنتك مش هتخرج من البيت هنا ولو عايزاني من بكره الصبح اطلقها تاني انا ما عنديش مانع انا هعمل ده عشان مصلحتها هي ..
امين : طب يا ابني ايه اللي خلاك عايز تعمل كده..
حازم بيبص لشيرين اللي قاعده صامته وما نطقتش اي حرف لا بالموافقه ولا بالاعتراض،،، (تابع حازم) عشان شيرين عشان مش عايز حد يتكلم نص كلمه عليها وعشان هي وقفت جنبي وبفضلها خرجت من اللي انا فيه لولا انها اترجت سليمان بيه ما كانش وافق يساعدني ...
امينه بقلق : يا ترى بتفكر في ايه تاني يا حازم بيه ايه اللي ناوي تعمله في بنتي تاني
حازم : هو حضرتك ليه مش مصدقاني انا بعمل كده لمصلحه شيرين..
امين : ما تزعلش مننا يا حازم بيه بس انت لحد دلوقتي ما عملتش حاجه تخلينا نثق فيك ايه اللي يضمن لنا انك ما ترجعش في كلامك وما ترضاش تطلق...
حازم بتأكيد : مستعد لاي ضمانات حضرتك تطلبها
امين بص لشيرين وقال لها ها ايه رايك يا شيرين موافقه ولا لاء
شيرين بعد صمت طويل اللي حضرتك شايفه يا عمو انا موكلاك عني لو وافقت تمام ما وافقتش برده تمام ..
امينه بصت لامين برفض بس امين وسليمان اخذوها لمكان تاني وفضلوا يتكلموا كتير معاها عشان يقنعوها وبالفعل وافقت
سليمان اتصل بحسام وطلب منه يجيب الماذون ويجى ..جه حسام ومعاه الماذون ودخل بتافف وقال
انتوا بتهزروا مش كده حد يكتب كتابه قبل الفجر ده ايه الجنان ده ..
حازم : معلش يا حسام بيه احنا تعبناك معانا
حسام بصوت خافت : انت ما وراكش الا التعب اصلا
حازم : بتقول حاجه ؟؟
حسام ابتسم بسخريه : بقول مبرروك .
وبالفعل كتبوا الكتاب وخلصوا كل واحد فيهم راح لوجهته واتفقوا ان تاني يوم يطلقها من سكات حازم وشيرين كانوا بيتمنوا من جواهم ان بكره ده ما يجيش ابدااااااا......
••••••••••••••••••••••••••••••
مشي حازم وبمجرد وصوله البيت جريت عليه سوزي بفزع ولهفه ودموع : الحقني يا حازم الحقني ارجوك
حازم بخوف : في ايه يا ماما مالك ؟؟
سوزى ببكاء : قاسم قاسم حالتو صعبه قوي اتصلوا بيا من المستشفى وقالوا لي تعالي بسرعه قاسم بيموووووت
[حازم بيسمع الكلام بس ما فيش اي تاثر حاسس انه لوح تلج واقف بلا مشاعر ولا احاسيس]
اخذ والدته بسرعه وراحوا المستشفى دخلت سوزي بسرعه وحازم وراها بخطوات ثابته بطيئه بص لحالته اللي فعلا ترقق الحجر بس برده هو مرقش قاسم كان بيبصلهم بعنيه والدموع بتتساقط بغزاره نفسه ينطق ويقول لحازم سامحني لكن لسانه
مش مساعده هنا عرف معنى العجز الحقيقي حاول يمد ايده لحازم برده من غير فايده فضل باصص لحازم والدموع فى عنييه وكل معاني الترجي والتسامح بيتوسلها منه... حازم للحظه شفق عليه وعينه تسللت منها دمعه كأعلان لوداع قاسم .اللى
استقبلها قاسم بابتسامه ممزوجه بالوجع والندم والقهر في اللحظه دي عينه كانت بتقول يا ريت لو تسامحني على كل حاجه عملتها في حقك فضل باصص لحازم لحد ما ثبتت عينه وفارق الحياه وانهارت سوزي ونزلت بكل الوجع والدموع تقبل راس
قاسم.... مهما عمل او غلط هيفضل الابن ابن وقلب الام مستحيل يغضب بكل الحزن والأسى شدها حازم لحضنه حزنا على قلب امه وتفطره على شقيقه حاول تهدئتها ومواستها في هذه اللحظه والنتيجه في الاخير وفاه قاسم الحديدي ضعيف عاجز مقهور حتى كلمات الاعتذار وطلب السماح لم يستطع لسانه نطقها وانتهت اسطوره قاسم الحديدي🖤
...............................
ثاني يوم مع اقتراب موعد الطلاق كان سليمان وامين في انتظار حازم لكن حازم ما جاش وموبايله مقفول للحظه اساؤه الظن لكن جه حسام بسرعه وبلغهم بهذا الخبر: حازم مش هيجي سليمان بيه (سليمان نظر له باندهاش ) وتابع حسام . احنا اللي هنروحله قاسم اخوه اتوفى واحنا لازم نروحله في اجراءات كتير محتاج يخلصها وهو لوحده ..
بالفعل راح له سليمان وامين وحسام علشان يقفوا معاه ويساندوه ... امينه وشيرين ونادين وفاتن ووالدتها كانوا مع سوزى .اللى اتأكدت ان شيرين معدنها نفيس 💜..
(بااااااك ) شيرين لسه مصدومه ومش مستوعبه اللي بيحصل وبصه لحازم اللي كان بيقولها مشكلتك ان اهلك مش معاكي بصي كده والكل بدا يطلع من ورا كراسيه بصتلهم وشهقت بمفاجاه وكلهم بيضحكوا على رد فعلها هي مش فاهمه ايه اللي بيحصل من كتر المفاجاه متوتره ومرتبكه طب هي الطياره دي رايحه فين ...قالتها شيرين لأنها مش مصدقه كل ده هيسافر معاها بره مصر ...
حازم قالها : رايحين العالمين الجديده ...
شيرين عماله تتصدم .قالت بعدم فهم :بس انا تذكرتي .طب ازاي (شيرين هنا كانت فى منتهي الغباء .من المفجأه😂😂)
حازم ضحك وبص لسليمان وقالها : دي اخرة اللي يثق في سليمان عمران.
سليمان كان بيبص لهم وبيضحك لما شيرين بصت لسليمان قوي عشان هو اللي قام بكل اجراءات السفر عمل لها بايده باي باي بمنتهى اللامبالاه وضحكه اترسمت على شفايفه كده كلها براءه( قال يعني هو ما لوش اي علاقه بالموضوع😂)
شيرين فضلت تسال وتسال وتسال وحازم عمال يجاوب على كل اسئلتها لحد لما زهق وقالها يوووووه بطلي زن بقى انا شكلي هرجع في كلامي،،، هما الستات زنانين قوي كده ..
ضربته فى كتفه بخفه وقالت بسخريه : ما فيش فايده فيك مغرور ونرجسي
حازم ابتسم ببرود : وانتى مفيش فايده لسانك طووويل وعايز قطعوا ( بصوا الاتنين لبعض وضحكوا ضحكوا كثير قوي من قلبهم ولحظه صمت سادت ما بينهم قطعها حازم وهو بيقول : اللي بيحب حد بيحبه على بعضه بكل تفاصيله بعيوبه قبل مميزاته ولازم احنا الاثنين نتقبل ده تتقبلي غروري وبدل ما تحاولي تكسريه حاولي ترضيه ارضي غرورى وبلاش تحاولي تكسريه لانه صعب وانا هحاول اتقبلك زي ما انتى واتقبل اني لما هستفزك انت هتردي لحد لما ندرب بعض على تقبل عيوبنا . ساعتها بس مش هتبقى عيوب......
وصلوا للقريه السياحيه وكان منتظرهم احتفال كبير جدا طلعوا لغرفهم عشان يرتاحوا وبعد الظهر الكل كان متجمع في المكان اللي اقاموا فيه الفرح وكان على البحر الجو ربيعي والاجواء تجنن وشيرين كانت لابسه فستان زفاف ابيض وشكله خرافي وحازم كان اخر شياكه كانت فرحتهم خرافيه اتصوروا كلهم مع بعض وعملوا احلى سيشن على البحر رقصوا وغنوا وحازم وشيرين كانوا بيرقصوا سلووو على اغنيه من اختيار شيرين لمياده الحناوي
[شيرين كانت طول الاغنيه عنيها فى عيون حازم .اللى كان بينظر ليها بكل غرام وحب . وكان بيندم على كل لحظه عاشها فى بعدها .(تعالوا اسمعوا الكلمات ديه بقلوبكم )
[ مهما يحاولوا يطفوا الشمس مهما يزيدوا علينا الهمس مهما يقولوا مهما يعيدوا انت في قلبي انت وبس كل كلامهم مش هياثر وانا ولا هبعد ولا هتغير يمكن حتى هقرب اكثر مهما يحاولوا الناس بالعكس حبنا جوه قلوبنا بيكبر مهما يحاولوا يطفوا الشمس بيني وبينك حب كبير اكبر ما يفكروا بكثير ده اللي ما بيني وبينك كان في السما متقدر لازم كنت هحبك مهما لقانا اتاخر حتى في اخر يوم من عمري كنت هاجيلك برده يا قدري كل كلامهم مش هياثر وانا ولا هبعد ولا هتغير يمكن حتى هحبك اكتر مهما يحاولوا الناس بالعكس حبنا جوه قلوبنا بيكبر مهما يحاولوا يطفوا الشمس] ❤❤❤❤❤❤❤❤❤❤❤❤❤
شيرين وحازم كانوا حاسين كل حرف في الاغنيه ومتجاوبين معاه وبيرددوا حرف حرف . وكانوا اخر انسجام مع بعض كان حاضنها طول الوقت ومش عايزه تطلع من حضنه ابدا وكانت اللحظات كلها حب وسعاده وفرحه حقيقيه شيرين همست بحب وقالت له تعرف اني كنت بحلم طول عمري باليوم ده من اول ما عرفنا بعض ..
حازم بكل حب قالها : انت عليكى تحلمي وانا عليا احققلك كل احلامك .
شيرين : طب انت عرفت منين ان نفسي فرحى يتعمل على البحر.
حازم بص على نادين اللى كانت بتراقب شيرين بحب : بتحبك قوي اخذتها ونزلنا جبنا الفستان قالت لي انك كنتى واقفه متسمره قدام الفستان ده لما كنتى معاها وهي بتجيب فستانها،،،، كنت بدعي من ربنا ما يكونش حد سبقني واخده،،،، لما سالتها احلامك عن اليوم ده قالت لي انك طول عمرك بتحلمي فرحك يبقى على البحر...وتابع كلامه بحب وصدق نفسي انسيكي كل اللي فات المره دي بجد بدايه مختلفه بدايه جديده ما فيهاش قاسم وما فيهاش حد هيفرق ما بينا
شيرين بأسف : انا اسفه انك خسرته بسببي
حازم حط اصابعه على شفايفها وقطع جملتها وهو بيقول : هششششششش مش بسببك هو اللي خسرني لما احط عينه على حبيبتي ومراتي هو اللي خسرني .....
شيرين : شغلك كمان خسرته بسببي..
حازم بحب : مش مهم المهم انى كسبتك انتى ورجعتيلي.. وده عندي اكبر مكسب في الوجود...
شيرين : يعني مش هتلومني بعد كده..
حازم : توء توء وكمل بهزار : انا سامع ان المطاعم بتكسب كويس اليومين دول ...
شيرين ضحكت : ناوي تشتغل معانا ولا ايه ؟
حازم بهزار : هنافسكم بس الكلام ده مش وقته،،، الاول نقضي اجمل شهر عسل في الدنيا ،،وبعد كده افكر في الشغل ،،،
الفرح خلص وحازم ما صدق اخذ شيرين وطلعوا جناحهم وغرق مع حبيبته في بحر الحب والغرام وبعد مرور اكثر من سنه حازم قدر يرجع شغله بعد ما اثبت براءته من كل التهم وقدر يثبت انه ما لوش اي صله من قريب ولا من بعيد بشغل قاسم واللي شفع له ملفه في الداخليه اللي ما فيهوش ولا غلطه....
وفي يوم كانت الشمس طالعه والجو اكثر من رائع في عرض النيل مركب كبير بيتحرك او مطعم عائم وده كان مشروع حازم بدءوا بالشراكه مع امين بيه قبل ما يرجع لشغله... قرر يعمل مطعم عائم عرض الفكره على امين اللي رحب بيها جدا وعزموا على تنفيذها في اسرع وقت ...وبالفعل بقى عندهم مطعم عائم ودخله كويس جدا ..
عزم كل اصدقائهم . وكلهم كانوا حاضرين كان يوم خاص جدا كله بهجه وفرح وسعاده امين وامينه قاعدين وسط احفادها ابن سهى وثلاث بيبيهات ابن نادين واولاد شيرين التوام ايوه شيرين جابت توام نور وامينه .
امينه ندهت لحازم : تعالى يا حازم خد نور بيعيط ومش عاوز يسكت معايا
حازم : لا يا حماتي الواد ده براوي ما بيسكتش غير في حضن امه بنتك مدلعاه قوي على فكره
هاتي لي انا امينه دي طيبه زي ابوها بترتاح في حضني وما بتعيطش ...( الطفل بص لابوه) حازم بمداعبه انت زعلت مني يا نونو حقك عليا ما تزعلش انت حبيب قلبي( الطفله عيطت .) حازم بتأفف : في ايه بقى انتى غيرتي ليه انتى كمان ..رجع امينه لحضن جدتها وقال لا العيال دي مستقصداني ادلع في نور امينه تزعل ادلع امينه نور يتقمص...
ونده بصوت عالي شيررررررين تعالي هنا عيالك جننوني .... ودخل على المطبخ في المطعم لشيرين اللي كانت واقفه ومعاها سوزي وسوزي بتحاول تقلب حله ورق عنب في صينيه وبتحاول تخليها نازله برصتها وما تتفركش جه حازم حضن شيرين من ضهرها وباسها في خدها
شيرين بكسوف : ايه ده يا حازم اللي انت بتعمله مش وسط البنات كده( كانت تقصد نادين وسها) ولانه يوم خاص جدا فما كانش فيه اي حد غريب
حازم : يا حبيبتي ما حدش غريب دول اخواتك وبعدين انتى وحشتيني ..
شيرين : طب يلا خد السلطه دي حطها بره انا جهزتها...
حازم : على فكره انت بتستغلي حبي ليكي غلط سلطه ايه اللي انا هاخدها ..
سوزي : شيرين ركزي معايا وسيبك من حازم،، حازم جاي يهزر ويدلع .
حازم بتأكيد : ايوه يا ماما انا بتدلع عليها عشان حضرتك بطلت تدلعيني من زمان ،،،وبعدين حضرتك يا ريت ما تقلبيش ورق العنب عشان انا بحبه لو اتقلب منك في الارض انا كده هزعل ..
سوزى بتركيز : حازم امشي من هنا ،،،،شيرين كده الحله وسط الصينيه بالظبط اعمل ايه تاني..
شيرين : ايوه بقى اقلبيها هنا وهنستنى شويه ما ترفعيش الحله على طول هنخبط عليها كده .عشان ميكنش فيها حاجه لزقه .
حازم بتريقه : ايوه هنخبط عليها عشان لو قلعه هدومها تلحق تلبس ..(سوزى خبطته فى صدره تلقائيا اتوجع قال ااااه .وكمل كلامه لشيرين .ماما محتاجه عشر سنين عشان تتعلم . وبعدين انت بتعلميها الاول تفضي ورق العنب ازاي طب علميها الاول تعمله ازاي اصلا .. وتابع لسوزى امي انت بتضيعي وقت وما بتتعلميش شيرين قالتلك خبطي على الحله مش تخبطي في فيا انا..
شيرين : سوزي شاطره هتتعلم بسرعه متقلقش عليها هي فى أيد امينه ..
حازم بهزار : لاء وانتى الصادقه فى ايد بنت امينه ...
دخل حسام وقال: حازم باشا ضيوفك وصلوا وانت هنا يلا بقى .. وانتوا هتاكلونا امتى
سها : دقايق ياحسام . هو زين فين
حسام بمداعبه : يابخت زين والله . فى كذا حد واخد باله منه . انما الغلبان ابو زين ، جعان ومش لاقي حد يحنو عليه .
سها : انت بتلكك على فكره . اومال الطبق اللى حطتهولك من شويه ده كان أيه !
حسام : ديه تصبيره ياسوسو . بهيئ نفسي انى هتغدى .
سوزى : ماشفتش ليلى ياحسام . خد بالك منها على ما اطلعلها .
حسام : العيال كلها مع عمى أمين وطنط امينه .بصراحه الله يكون فى عونهم ..وبص لحازم . وانت يا رومانسى مش يلا ولا أيه .
حازم : انتو مش خلاص ولا أيه . يلا بقا . ومسك شيرين من ايديها وخرجوا كلهم . قعدوا مع بعض وبدءوا يتغدوا وطبعا كانوا بيتشاركوا الحديث والضحكات والهزار حازم قام وقف في مكانه واتكلم بجديه وحب ...
حازم : ممكن اقول حاجه !! شكرا انكم شرفتوني انهارده بالحضور ...انهارده يوم خاص وحبينا نحتفل وسط حبايبنا بشكركم كلكم من قلبي انكم قبلتوني في وسطكم وادتوني فرصه ثانيه والحمد لله اني قدرت اغير وجهه نظركم فيا كلنا بنغلط وكلنا معرضين للغلط .. انا غلطت في حق شيرين والحقيقه اني ندمت قوي قوي قوي استوعبت غلطتي كويس وحاولت اصلحها والحمد لله ان شيرين قدرت تسامحني وادتني فرصه ثانيه بطلب منكم كلكم تلتمسوا لي العذر وشكرا مره ثانيه على حضوركم معانا واتمنى تستمتعوا باليوم ده
صوووووت من بعيد نده لحازم وكان سليمان بيكلمه وهو بياكل يا حازم ما قلتلناش المطعم ده سميته ايه...
حازم بص لشيرين بمنتهي الحب وابتسم .وقال سميته :: بنت أمينه . ❤ تمت بحمد الله وفضله
كنتم مع روايه بنت امينه . بقلمي .شيماء عبد الحكم عثمان . اتمني الروايه تكون نالت اعجابكم والنهايه تكون نالت رضاكم .
القاكم على خير بأمر الله تعالى . فى عمل اخر . ينال ثقتكم وحبكم .احبتتكم فى الله شكرا لدعمكم وتفاعلكم .
كل عام وانتم جميعا جميعا بألف خير وسعاده وحب وسلام .... اسعد الله قلوبكم وقلوب من تحبون . 💜💜💜💜
تمت
